Traktorhua

Etter ei tredje, meir velplassert kortisonsprøyta, er armen betre og eg kan ta fram igjen strikkepinnane med god samvittighet etter X månadar i opplag! :) Gleden er stor og humøret på topp!!

Dermed måtte typen få seg ei ny hua til vinteren, og kva passar ikkje betre enn ei traktorhua når han nett har kjøpt seg traktor?

Traktormønsteret fann eg på bloggen Strikke Lilla, huemønsteret elles er frå ei bok eg lånte av Janne: "Luer er toppen" av Trond Anfinnsen. Garnet er Kirkcaldy 2-tråds frå Malsen og mor med ein rest av mørkegrøn Dale Falk. Hua kunne kanskje vore litt lenger, men den gjekk nedpå og mottakaren er nøgd!

Elles går det rolig for seg i Bergen. Travle dagar på jobb kombinert med kontinuerlig og til tider kraftig, forkjølelse i tre veker, har gitt lite overskudd. Men nå byrjar det å letna. Og det er bra, for på torsdag bere det til London med tidlegare studieveninner, så då bør formen vera god;)