Etter at eg nettopp har klaga på at eg ikkje kan strikka, skal eg også visa noko som er maska av pinnane denne veka... Men til mitt forsvar har eg vore superforkjølt og heime frå jobb to dagar, og i avslappande bli-frisk-modus på sofaen resten av veka. Då må ein jo få tida til å gå på eit vis, når ein ikkje er heilt opplagt til lesing heller;)
Så armert med nasespray, halsdrops, kleenex, antibac og varm drikka har eg sete i under dyna i sofaen og sett på Elin sin samle-dvd av sex og singelliv og strikka.
Resultatet er ei sommargul Immie-T-skjorte frå Quince & co.
Denne har eg hatt lyst til å laga lenge. Garnet er Inca Alpakka frå Rauma, eg brukte nesten eitt nøste til størrelse 6-9 mnd. Nå skal den ligga i korga til ein framtidig mottakar;)
Mens eg skreiv dette innlegget fekk eg også eit sjarmerande besøk på balkongen:
Han kunne nok tenkt seg å komma inn i denne kulden. Men nei takk! :)
Ingen kommentarer:
Legg inn en kommentar